Моќта на промените

Шифра: 17808
Издавач: Тоше Зафиров

Секој збор во оваа книга е напишан со љубов, секоја страница е исполнета со животните лекции кои ги собрал низ годините – од спортските натпревари, од учењето, од работата на себе и од љубовта кон своето семејство. „Моќта на промените“ не е само книга, тоа е неговата душа, неговото животно дело.

Во оваа книга, Тоше ни раскажува приказна за два лика – Иван и Александар. Преку нивните животи, тој ги покажува сите оние вредности кои го обликувале и него самиот – љубовта кон семејството, почитувањето на татковината, силата на самоконтролата и самодисциплината. Иван, кој расте во здраво и љубовно семејство, ги носи со себе сите тие вредности и станува пример за тоа како еден човек може да влијае на светот околу себе. Од друга страна, Александар, кој бил лишен од љубов и внимание, го губи патот и станува нешто што никој не сака да биде.

Но, токму тука се открива моќта на оваа книга. Иван, со својата длабока мудрост и љубов, не го остава својот пријател. Тој решава да му помогне на Александар, да го води низ животот преку 50-те животни правила кои Тоше ги напишал со години на искуство и труд. Овие правила не се само зборови – тие се водич за животот, патоказ кон успехот, како на духовен така и на бизнис план.